Photo Story

سوق السمك

عن أي موضوع نفضله  Photo Story كلفنا د.عيسى النشمي بتكليف عمل

 احترت أختار أي مكان و كان في وايد اماكن ببالي مثل سوق الجمعه ، سوق الحمام و البحر وقت الغروب و الشروق بالأخير إخترت سوق السمك الكائن في سوق الشرق و لأنه السمك له اهمية عند أهل الكويت حرصت الدولة إن تخلي صيد السمك مهنه و بيعه تجارة و داخل سوق السمك في مكان لسوق الخضرة و البهارات

رحت يوم الجمعة 25/10 وصلت تقريبا الساعة 2 كان المكان هادي بعض الشيء صورت كذا مكان و كذا شخص بعدين و خذيت معلوماتهم بعدين صعدت الدور الثاني علشان ألحق على المزاد أو “الحراي” عشان أصوره من فوق من صارت الساعه 3:13 صار الكل يصارخ و يزايد على السمك ، الربيان و القباقب إلي عنده و المكان صار وايد زحمه و إزعاج صراحة منظر عجيب و إستانست وايد لأن شي أول مره اشوفه

يوم السبت 26/10 رديت مرهثانية  سوق السمك عشان اصور من صوب السفن و البحر و هالمكان يسمونه “النقعة” كان متروس سفن و الكل قاعد ينزل حصيلته الي حصلها من البحر و أنا اصور كان في سفينه قاعدين يصعدون ثلج لما سألت واحد منهم إسمه أسامة قال الثلج عشان يحفظ لهم السمك لأنهم يدخلون البحر و يصيدون لمدة إسبوع

تجربة التصوير كانت حلوه بس بنفس الوقت صعبه لأن لازم أختار مكان مناسب و وقت مناسب تكون في الإضاءة زينه و أفضل وقتين بالنسبة لي وقت شروق الشمس أو غروبها لأن بهالوقتين الإضاءة أقوى و أحلى  و تطلع الصور حلوه  أما التصوير فبأول يوم التصوير خذا تقريبا  ساعتين و اليوم الثاني خذا ساعة و نص التعديل على الصور خذا مني أكثر من يوم لأن ما كنت مقتنعه وايد فاتقريبا كل يوم أعدل عليهم عشان أوصل حق النتيجة إلي أبيها

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s